Пәкістан Сенаторы Алматыдағы халықаралық мектепке ресми сапармен келді

International Steppe School-ға Пәкістан Ислам Республикасының Сенаторы, доктор Зарка Сухарварди Таймур (Dr. Zarqa Suharwardy Taimur) ресми іссапармен келді.

​Жұмыс сапары барысында білім ордасының заманауи инфрақұрылымымен, материалдық-техникалық базасымен және оқу процесінің ерекшеліктерімен толығыра танысты.

Мектептің тыныс-тіршілігін көріп, атқарылып жатқан жұмыстарға жоғары баға берген сенатор білім беру ошағының әлеуетіне үлкен қызығушылық танытты.

​Кездесу аясында тараптар екі ел арасындағы білім беру саласын дамытудың маңызды мәселелерін талқылады. Сондай-ақ қос мемлекеттің оқу орындары арасында тығыз серіктестік орнату, бірлескен жобаларды жүзеге асыру және өзара тәжірибе алмасу мүмкіндіктері сөз болды.

​Инновациялық бағыттағы мектеп басшылығы бұл кездесу халықаралық байланыстарды нығайту мен білім сапасын арттыру жолындағы маңызды қадам екенін атап өтті.