Бүгін International Steppe School of Almaty-де оқушылардың кітапқа деген қызығушылығы мен шығармашылық қабілеттерін ұштастырған ерекше «Book Festival» шарасы ұйымдастырылды.

Іс-шара барысында оқушылар өздерінің сүйікті кітаптарын таңдап, шығармалар желісі бойынша көріністер қойды, постерлер мен презентациялар дайындап, кейіпкерлердің мүсіндерін жасап, түрлі иллюстрациялар арқылы жобаларын таныстырды.

Фестиваль қатысушылары әдеби шығармаларды жаңаша қырынан танытып, өз идеяларын креативті түрде ұсынды. Іс-шара қорытындысы бойынша үздік жұмыстар түрлі номинациялармен марапатталды.

Оқушыларымыздың әдебиетке деген сүйіспеншілігі мен шығармашылық әлеуеті жоғары деңгейде көрініс тапты.