Белгілі ғалым Жамбыл Артықбаев петропавлдық оқушыларымен кездесті

Назарбаев Зияткерлік мектебінің оқушылары белгілі қазақстандық ғалым, тарих ғылымдарының докторы, Л.Н. Гумилев атындағы Еуразия ұлттық университетінің профессоры Жамбыл Омарұлы Артықбаевпен кездесті. Ғалымның Петропавл қаласына жұмыс сапары аясында өткен іс-шара тарихи білімді насихаттауға, этнологияға қызығушылықты арттыруға және мәдениетаралық диалогты нығайтуға бағытталды. Кездесу барысында Жамбыл Артықбаев өзінің ғылыми қызметі, археология және этнология салаларындағы зерттеулері туралы айтып, «Nomadius» этнографиялық музей-кешенін құру тәжірибесімен бөлісті.
Оқушылар аталған тақырыпқа ерекше қызығушылық танытып, белсенді түрде сұрақтар қойды. Бұл кездесу мазмұнды әрі танымдық деңгейде өтті.