NIS ұстаздары ауылдық тірек мектептерге тәжірибе таратуды жалғастыруда

Назарбаев Зияткерлік мектептері желісінде ауыл мектептеріне қолдау көрсетіп, тәжірибе тарату мақсатында «Ауылдық жерлердегі тірек мектептердің әлеуетін көтеру» жобасы қолға алынған. Аталған жоба бойынша Алматыдағы физика-математика бағытындағы NIS мұғалімдері Алматы облысы білім басқармасының Талғар ауданындағы №4 жалпы білім беретін орта мектеп-лицейіне және Іле ауданындағы №28 мектеп-гимназиясына барды.

15 қараша және 29 қарашаға жоспарланған бұл оқыту семинарында зияткерлік мектеп директорының орынбасарлары мен қоғамдық-гуманитарлық пән мұғалімдері тірек мектеп ұстаздары үшін кәсіби әдістемелік шеберлік сағаттар ұйымдастырды. Одан бөлек оқу үдерісінде пайдаланатын құрал-жабдықтарды егжей-тегжейлі үйретіп, теориялық білімді практика жүзінде бекемдеуге, сондай-ақ, практикалық дағдыларын одан әрі дамытуға әдістемелік нұсқаулық беріп, қолдау көрсетті.