“DARYN FIRST CHAMPIONSHIP-2025” байқауындағы «PID» робототехниктер командасының  елеулі жеңісі

8-9 қаңтарда Алматы облысы Қаскелен қаласында робототехникадан «Daryn FIRST Championship» республикалық фестивалі өтті.  Екі күн бойы жас инженерлер FIRST халықаралық бағдарламасының үш бағыты бойынша жарысты: FIRST Tech Challenge (FTC), FIRST LEGO League Challenge (FLL Challenge) және FIRST LEGO League Explore (FLL Explore).

Қазақстанның арнайы дайындайтын білім орталықтарынан жиналған 1200 жас робототехниктердің ішінен Алматы қаласындағы химия-биология бағытындағы NIS- тің «PID»  командасы  топ жарып ақтық кезеңде 1 орынға ие болды. 

NIS командасы  ақпан айында Елордада өтетін Central Asia FIRST Championship -2025 республикалық жарыста «FIRST TECH Challenge» санатында  бақ сынайды. Оқушыларымызға   сәттілік тілейміз.

Жетекшілері: информатика пәні мұғалімі Ясинжан Шақан, NIS Engineering Lab  жетекшісі Айбек Қалабай.