Ақтаудағы Назарбаев Зияткерлік мектебі Халықаралық мектептер кеңесі (Council of International Schools, CIS) реаккредитациясынан өтуде.

Арнайы келген сарапшылар бес күн бойы мектептің оқу-тәрбие үдерісімен, бағалау жүйесімен, қауіпсіздік шараларымен және мектеп қауымдастығының дамуымен жан-жақты танысып, бағалау жұмыстарын жүргізеді.

Сапар барысында сарапшылар мектеп қызметінің халықаралық стандарттарға сәйкестігін бақылайды.

Халықаралық мектептер кеңесі (CIS) – білім сапасын арттыру және үздік тәжірибелерді ілгерілетуге бағытталған беделді ұйым.