NIS Aktobe жас инноваторлары әлем деңгейдегі IT-өнімдер жасауда

Мектебіміздің оқушылары – Абдулазиз Габитов, Керей Бердышев және Джафар Мажитов – биылғы жазда Алматыдағы Satbayev University базасында өткен беделді nFactorial 2025 он апталық Жазғы инкубаторына қатысты.

Бұл жай ғана лагерь емес, нағыз сын-тегеурін болды:

• аптасына 50 сағаттан астам офлайн-оқыту мен тәжірибе

• алғашқы 3 апта — Fullstack, iOS-даму және жасанды интеллект (ЖИ) бойынша интенсив

• келесі 7 апта — өздерінің түпнұсқа қосымшаларына жұмыс жасау

• алдыңғы қатарлы IT-компаниялардан тәжірибелі менторлардың қолдауы

• 10 000 пайдаланушыға жету немесе $1 000 табыс табу мақсатымен нақты өнімдер құру

• инвесторлар, рекрутерлер және индустрия сарапшылары алдында өтетін Demo Day-да жобаларды финалдық қорғау.

Күн сайын таңғы ерте уақыттан кешке дейін қатысушылар менторлармен және пікірлес жастармен бірге жұмыс істеп, Қазақстанды әлемдік технологиялық картаға шығару жолында еңбек етті. 2025 жылғы бағдарламаның ерекшелігі product-led growth әдісіне және жобаларды әлеуметтік желілердегі қысқа видеолар арқылы ілгерілетуге көңіл бөлінуі болды.

Айта кету маңызды: біздің оқушыларымыз конкурс арқылы іріктеліп, Chevron компаниясының грантын жеңіп алды. Бұл оларға ерекше бағдарламаға қатысуға мүмкіндік берді.

Нәтижелері әсерлі:
Абдулазиз Габитов Tarly AI жобасымен – түйіндеме мен жеке веб-сайттарға арналған ЖИ-конструктормен – 2-орын иеленді.
Джафар Мажитов қосымшасын жасап қана қоймай, оны 10 апта ішінде сатуға да үлгерді! Оның өнімі TryStyle.live – дүкен каталогынан қалауыңызға және өлшеміңізге сәйкес ең қолайлы тауарды таңдап, толық жекелендірілген жауап беретін ЖИ-чат-бот.
Керей Бердышев Nomady.Live қосымшасын – ЖИ-саяхат жоспарлаушысын – таныстырып, топпен жұмыс тәжірибесін жинады, жаңа технологияларды меңгерді және енді өз идеяларын жүзеге асыруға дайын.

Біз оқушыларымызбен мақтанамыз! Олар мектеп қабырғасында жүріп-ақ әлемдік деңгейде сұранысқа ие IT-өнімдерді жасай алатынындарын дәлелдеді!