NIS Ақтөбе - Wals 2025 халықаралық конференциясында

10–12 қараша күндері Жапонияның Хиросима қаласында өткен World Association of Lesson Studies (WALS-2025) халықаралық конференциясының ресми бағдарламасына Ақтөбедегі Назарбаев Зияткерлік мектебінің зерттеу жобалары енгізілді.

Бұл — біздің мұғалімдердің Lesson Study мәдениетін дамытудағы еңбегі әлемдік ғылыми қауымдастық тарапынан мойындалғанының нақты дәлелі.

Халықаралық платформа түрлі елдерден келген педагог-зерттеушілердің тәжірибесін тоғыстырып, дәлелді педагогикаға негізделген жаңа білім моделін бірлесе құруға мүмкіндік береді.

NIS Ақтөбе командасының осы қатарға қосылуы – мектептің кәсіби зерттеу мәдениетінің жаһандық деңгейге көтерілгенінің айқын көрінісі.

Конференция бағдарламасына қатысқан:
- математика пәнінің мұғалімі Бақыт Әлжанова;
- қазақ тілі және әдебиет мұғалімі Жанагуль Ниязова;
- орыс тілі және әдебиет мұғалімі Мария Ахметова;
- ағылшын тілі мұғалімі Гаухар Сарсенбаева;
- өнер пәнінің мұғалімі Мира Тажбенова.