Елордадағы физика-математика бағытындағы NIS-те Педагогикалық идеялар фестивалі ұйымдастырылды. Бұл шараның басты мақсаты – заманауи педагогикалық әдістерді таныстыру, үздік тәжірибелер мен тың идеяларды анықтау, сондай-ақ мұғалімдердің кәсіби дағдыларын дамыту.

Фестиваль аясында мектеп мұғалімдері оқушылардың қызығушылығын арттыру әдістерімен бөлісті. Кәсіби алаңдарда мектеп ұстаздары шағын шеберлік сабақтарын өткізіп, өздерінің жаңашыл әдіс-тәсілдерін таныстырды.

Бұл фестиваль жыл бойындағы маңызды әдістемелік шаралардың бірі болып, әріптестердің өзара тәжірибе алмасуына, жаңа идеялармен қарулануына мүмкіндік берді.