Тунисте өткен халықаралық I-FEST² ғылыми фестивалінде Астана қаласындағы Назарбаев Зияткерлік мектебінің оқушысы Тамирлан Наурзбаев күміс медальға ие болды. Оның «AirSense – смартфон арқылы басқарылатын ауа сапасын бақылау жүйесі» атты инженерлік жобасы 30 үздік әзірлеменің қатарына енді.

2025 жылдың 21-27 наурызы аралығында өткен I-FEST² – инженерлік ғылымдар мен технологиялардың халықаралық фестиваліне 40 елден келген командалар қатысты.

9Н сынып оқушысы Тамирлан Наурзбаевтың осы байқауда өнер көрсетуін International Centre of Scientific Collaborations #ICSC ұйымдастырды. Жоба «Балалар ғылымда» @deti_v_nauke бастамасы аясында жүзеге асырылды.