Физикадан Азия олимпиадасы (APhO 2026) 17-25 мамыр аралығында Пусан қаласында (Корея Республикасы) өтті.

Халықаралық олимпиадаға 30-дан астам елден 240-қа жуық оқушы қатысты. Біздің оқушылар дайындық деңгейінің жоғары екенін дәлелдеп, үздік нәтижелерге қол жеткізді.

Қазақстан ұлттық құрамасы сапында NIS «Астана-Нұра» мектебінің оқушылары өнер көрсетті:
• Азатбеков Әмірбек – 12-сынып оқушысы – олимпиаданың қола жүлдегері;
• Құрман Дамир – 11-сынып оқушысы – олимпиаданың қола жүлдегері;
• Сейткамит Арғын – 11-сынып оқушысы – олимпиаданың қола жүлдегері.

Оқушыларды жарысқа физика пәнінің мұғалімі Исмагулов Темірлан дайындады.

NIS  Астана-Нұра мектебі жүлдегерлерімізді вокзалдан ыстық ықыласпен қарсы алды. Оқушылар, ата-аналар мен педагогтер жас физиктерімізді халықаралық деңгейдегі жоғары жетістіктерімен құттықтап, зор мақтаныштарын білдірді.

Жас физиктерімізді жеңістерімен құттықтаймыз! Толағай табыстар мен жарқын жетістіктер тілейміз!