🌱Президент халықаралық пән олимпиадалары жеңімпаздарымен кездесті. Олардың қатарында мектебіміздің оқушылары мен аяулы ұстазымыз да болды.

🌱Халықаралық ареналарда ел намысын қорғап жүрген оқушыларымыздың жетістіктерін атап өткен жөн. Халықаралық физика олимпиадасында (IPhO) мектебіміздің оқушылары Амирбек Азатбеков пен Дамир Құрман Қазақстан қоржынына алтын жүлде салды.

🌱Ал Қали Әбілмансұр 58-ші Халықаралық химия олимпиадасында (IChO) күміс медаль иеленді.

🌱Оқушының жеңісі — ұстаздың еңбегімен сабақтас. Осы ретте физика пәнінің мұғалімі Мейрамгүл Кенжеханованың еңбегін ерекше атап өткен жөн.

🌱Мейрамгүл Кенжеханова 17 жылдан бері NIS Астана-Нұра мектебінде еңбек етіп келеді. Осы уақыт аралығында ол талай шәкірттің ғылымға деген қызығушылығын оятып, олимпиадаларға дайындап, білім биігіне ұмтылуына жол ашты.

🌱Ұстаз еңбегі мемлекет тарапынан да жоғары бағаланды. Мемлекет басшысы Мейрамгүл Кенжеханованы «Құрмет» орденімен марапаттады.

🌱Мемлекет басшысымен болған кездесуден кейін NIS Астана-Нұра оқушылары мен педагогтері «Назарбаев Зияткерлік мектептері» дербес білім беру ұйымының Басқарма төрағасы Ануар Жангозинмен жүздесті.

🌱Кездесуге мектебіміздің тағы бір мақтанышы Мұхтархан Батырхан да қатысты. Ол Халықаралық экономика олимпиадасының абсолютті чемпионы.

Зияткерлеріміз бен аяулы ұстазымызды құттықтаймыз!