Жаңалықтар
Оқушылар банк қызметімен танысты
18 сәуір 2026 10:10
Атыраудағы NIS-тің жоғары сынып оқушылары кәсіби бағдар беру мақсатында қаладағы Халық банкінің жаңа бас ғимаратына арнайы барды. Бұл сапар оқушылар үшін қаржы әлеміне жасалған алғашқы маңызды қадамдардың бірі болды.
Кездесу барысында оқушылар банк жүйесінің қалай жұмыс істейтінін, клиенттерге көрсетілетін қызмет түрлерін және заманауи цифрлық банкингтің мүмкіндіктерін тереңірек таныды.
Сондай-ақ, банк мамандары өз тәжірибелерімен бөлісіп, қаржы саласында табысты болу үшін қажетті дағдылар мен білім туралы айтып өтті. Оқушылар үшін бұл тек танымдық экскурсия ғана емес, сонымен қатар болашақ мамандық таңдауға бағыт-бағдар берген әсерлі кездесу болды.