Көкшетаудағы NIS оқушылары Pizza Pitch Day байқауында жүлдегер болды

Көкшетаудағы NIS оқушылары Aqmola Hub қолдауымен өткен BIRTHDAY PIZZA PITCH DAY – KOKSHETAU стартаптар байқауында тамаша нәтиже көрсетті. Бұл шарада жас инновациялық жобалар қоғамдағы маңызды мәселелерді шешуге бағытталды.

12-сынып оқушысы Юсуф Мухамбетқалиев Easy Breath жобасымен бірінші орынға ие болды. Бұл — бронхиалды астмаға шалдыққан балалардың тыныс алуын жеңілдетуге арналған портативті құрылғы. Жаңашыл өнім мамандардың назарын аударып, балалардың денсаулығын жақсартуда маңызды рөл атқаруы мүмкін.

Ал 11-сынып оқушысы Қайрат Ескен Linguflow жобасымен үшінші орынды иеленді. Linguflow — ағылшын тілін үйренуге арналған заманауи AI-платформа. Онда сөйлеу дағдыларын дамытуға арналған дауыс көмекшісі, интервалды қайталау жүйесі (SRS) бар интерактивті флэш-карталар, викториналар мен емтихандық симуляциялар бар. Бұл платформа оқушылардың білімін бақылап, мотивациясын арттырады, ал мұғалімдер мен мектептерге оқыту процесін тиімді басқарып, жеке пікір беруге мүмкіндік береді.