Көкшетаудағы NIS оқушылары – Республикалық ғылыми жобалар байқауының желілік кезеңінің жүлдегерлері

Көкшетаудағы NIS оқушылары Республикалық ғылыми жобалар байқауының желілік кезеңінде өз білім ордасын абыроймен таныстырып, бірнеше номинация бойынша жүлделі орындарға ие болды.

«Қоршаған ортаны қорғау және адам денсаулығы» бағыты бойынша:

 1-орын – 11-сынып оқушылары Ильясов Арнур мен Ерікұлы Ескендір «Орман өрттерін анықтау жүйесі» жобасымен жеңімпаз атанды. Жоба орман өрттерін ерте анықтап, олардың таралуының алдын алуға бағытталған.

1-орын – 9-сынып оқушылары Пшенбаев Темирлан мен Қажмұқан Ерасыл «Қалалық жағдайда пластикті ыдырататын бактерияларды өсіру жағдайларын таңдау және оңтайландыру» жобасымен үздік деп танылды. Бұл зерттеу экологиялық өзекті мәселе – пластикалық қалдықтарды биологиялық жолмен қайта өңдеу мәселесін шешуге мүмкіндік береді.

 3-орын – 11-сынып оқушылары Сагенов Расул мен Қарабаев Әбілмансұр «TechnoSprout жүйесі» жобасымен марапатталды.

3-орын – 8-сынып оқушысы Шайкенов Тамерлан «Ішкі ауа сапасын бақылау және тәуекелдерді ерте анықтау құрылғысы» жобасымен жүлделі орын иеленді.

«Информатика» бағыты бойынша:

3-орын – 10-сынып оқушысы Самат Абылайхан «Төтенше жағдай кезінде жануарларды эвакуациялауды басқарудың автоматтандырылған жүйесі – AniGuard» жобасымен марапатталды.

3-орын – 10-сынып оқушысы Кузаиров Арман «Миска добра» атты мобильді қосымша жобасымен жүлделі орынға ие болды.