Көкшетаудағы NIS оқушылары Infomatrix Asia 2026 халықаралық байқауында жүлделі орындарға ие болды

Көкшетаудағы NIS-тің оқушылары Infomatrix Asia 2026 халықаралық инновациялық технологиялар байқауында айрықша нәтижелер көрсетті. Финалдық қорғау жұмыстарының қорытындысы бойынша мектеп командалары екі бірінші және екі үшінші орынды иеленіп, жаратылыстану ғылымдары мен цифрлық өнер саласындағы дайындық деңгейінің жоғары екенін дәлелдеді.

Он жыл бойы Infomatrix Asia жас зерттеушілер үшін негізгі диалог алаңы болып келеді. 2026 жылы байқау қатаң іріктеу кезеңінен өткен 10 елден келген 250-ден астам команданың басын қосты. Жоғары бәсекелестік жағдайында Көкшетаудағы NIS оқушылардың жобалары халықаралық қазылар алқасының тарапынан бірнеше негізгі санат бойынша жоғары бағаланды.

Hardware Control секциясында құрамында Юсуф Мухамбеткалиев, Қайрат Ескен және Даниэль Жакупов бар OnAITynys командасы жеңіс тұғырының ең биік сатысынан көрінді. Осындай жетістікке AI Programming санатында Дәрия Сейтжан, Мансур Ыдырыс және Дәмелі Жанбыршыдан құралған Januya командасы да қол жеткізді. Сондай-ақ, Startup бағытының өкілдері де лайықты нәтиже көрсетті: Prometheans (Арнур Ильясов, Мухамед Асылбек, Ескендір Ерікұлы) және Novalab Нұрай Нұралы мен Ренат Абулгазин командалары қола жүлдегер атанды.

Байқаудың ерекше жетістігі – 11-сынып оқушысы Юсуф Мухамбетқалиевтің академиялық әлеуетінің жоғары бағалануы. Инновациялық шешімдерді әзірлеудегі ерекше табысы үшін ол Қазақстанның жетекші техникалық жоғары оқу орны – Satbayev University-нде оқуға білім беру грантын иеленді.