ИНФОРМАТИКА ПӘНІНЕН ОБЛЫСТЫҚ ОЛИМПИАДАДА ЖҮЛДЕЛІ БОЛДЫ

Орал қаласындағы NIS оқушылары Махамбет Өтемісов атындағы Батыс Қазақстан университеті ұйымдастырған пәндік олимпиадада жоғары нәтижелерге қол жеткізді.

Аталған оқу орны облыс мектептерінің 9 және 11-сынып оқушыларын пәндік олимпиада форматында өткен Ашық есік күніне шақырған болатын. Іс-шараның мақсаты – балаларға өз білімдерін тексеруге мүмкіндік беріп, болашақ мамандықты таңдауда сенімді қадам жасауына ықпал ету.

Білім сайысы бірнеше пән бойынша өтті. Соның ішінде информатика пәнінен бақ сынаған 100-ден астам оқушының арасынан NIS зияткерлері жүлделі орындарға ие болып, қуантарлық нәтиже көрсетті.

9-сынып бойынша – Есқали Дархан І орын, жетекшілері: Алдиярова А.А., Сулейменова А.А.

10-сынып бойынша – Кәрім Жомарт ІІ орын, жетекшісі: Нурмуханова Г.А.

11-сынып бойынша – Адилханов Адилжан ІІІ орын, жетекшісі: Хусанова Ж.Б.

Құттықтаймыз!