NIS түлектерінің жыл сайынғы «Samgau» форумы

Форумымыз тағы да 9–12-сынып оқушыларын үздік университеттерге түскен табысты түлектерімізбен қауыштырды. Олар өздерінің оқу тәжірибесі мен жоғары оқу орнына қабылдану жолындағы ерекше тәжірибелерімен бөлісті.

Форум спикерлері:

Абдрахманова Жанна — 2023 жылғы түлек, Назарбаев Университетінің студенті, мамандығы «Әлем тілдері, әдебиеті және мәдениеті».

Алқанов Алсабир — 2023 жылғы түлек, Constructor University (Германия) студенті, мамандығы «Химия және биотехнология».

Булатова Әльбина — 2023 жылғы түлек, Назарбаев Университетінің студенті, мамандығы «Тау-кен ісі және Жер туралы ғылымдар».

Жақыпжанова Айбота — 2021 жылғы түлек, Максут Нарикбаев Университетінің (ҚазГЗУ) студенті, мамандығы «Қонақжайлылық».

Қайырбаев Сабыр — 2022 жылғы түлек, Назарбаев Университетінің студенті, мамандығы «Механикалық және аэроғарыштық инженерия».

Түлектеріміз табысты оқуға түсу құпияларымен, студенттік өмірдің маңызды сәттерімен бөлісіп, оқу мен жеке өмір арасындағы тепе-теңдікті сақтауға қатысты құнды кеңестер берді.

Қызықты сәттер:

Сұрақ-жауап сессиясы: оқушылар өз сауалдарын түлектерге тікелей қоя алды.

Мектеп еріктілері дайындаған интерактивті ойындар іс-шараны одан әрі қызықты ете түсті.

Мұндай форумдар оқушыларымызға шабыт беріп, олардың ой-өрісін кеңейтіп, мамандық таңдауына көмектеседі.

Біз түлектерімізді мақтан тұтамыз және алдағы уақытта жаңа кездесулерді асыға күтеміз!