Жаңалықтар
«Зерттеудегі бір қадам – дамудың жүз қадамы»: NIS Қостанайда өңірлік ғылыми-практикалық конференциясы
11 сәуір 2025 15:20
2025 жылғы 11 сәуірде Қостанай қаласындағы физика-математика бағытындағы Назарбаев Зияткерлік мектебінде оқушылар арасында «Зерттеудегі бір қадам – дамудың жүз қадамы» атты өңірлік ғылыми-практикалық конференция өтті.
Конференцияға Қостанай облысының жалпы білім беретін және инновациялық мектептерінің дарынды оқушылары қатысты. Шараның басты мақсаты – ғылыми-зерттеу жұмыстарына қызығушылық танытқан оқушыларға қолдау көрсету, оларды ғылым жолына ынталандыру.
130-дан астам ғылыми және жобалық жұмыс ұсынылған секцияларда сарапшылар ретінде А.Байтұрсынұлы атындағы Қостанай өңірлік университетінің оқытушылары төрелік етті.