Қызылордадағы NIS оқушылары – EdTech Hackathon байқауының жүлдегерлері

Сыр өңіріндегі NIS оқушылары Нұрдаулет Әділбек пен Дәулет Сейітқұл EdTech Hackathon байқауында III орын иеленді.

EdTech Hackathon – оқушылар мен студенттер арасындағы білім беру үдерісі мен оқу орындарының жұмысын жақсартуға бағытталған инновациялық IT-жобалар сайысы.

Биыл қатысушылар үш аталым бойынша 56 жоба ұсынды: инклюзивті білім беру платформаларынан бастап, мұғалімдерге арналған цифрлық көмекшілерге дейін. Қызылордалық зияткерлер мұғалімдер бірлестігінің жұмыс кестесін тиімді жоспарлау мен оңтайландыруға арналған платформа әзірледі.

Жоба қазылар алқасының жоғары бағасын алып, 200 000 теңге көлеміндегі қаржылай қолдау тапты.