Гуманитарлық пәндер әдістемелік апталығы аясында өткен “Тәуелсіздік күніне арналған үздік видео ролик” байқауы өтті!

Гуманитарлық пәндер әдістемелік апталығы аясында мектебімізде “Тәуелсіздік күніне арналған үздік видео ролик” атты шығармашылық байқау ұйымдастырылды. Бұл іс-шара егемендік ұғымын терең ұғындыруды, оқушылардың ұлттық құндылықтарға деген құрметін арттыруды және олардың шығармашылық қабілетін дамытуға бағытталды.

Байқаудың мақсаты мен ерекшелігі

Тәуелсіздік күні – ұлт тарихындағы ең маңызды мерекелердің бірі. Осы орайда ұйымдастырылған байқау оқушыларға өз көзқарастарын бейнеролик арқылы жеткізуге мүмкіндік берді. Қатысушылар түрлі форматта — тарихи шолу, патриоттық көріністер, көркем монтаж, авторлық мәтін және эффектілер арқылы — өз еңбектерін паш етті.

7–8 сынып оқушылары ерекше белсенділік танытып, сайыс өзара тартысты өтті. Әр видео жұмыстарында балалардың елін сүюі, өткенге құрметі мен болашаққа деген сенімі айқын көрінді.

Дауыс беру нәтижелері

Байқау жұмыстары мектеп қауымдастығы арасында жария түрде дауыс беруге ұсынылды. Қатысушылардың еңбектері жоғары бағаланып, келесі сыныптар жеңімпаз атанды:

🥇 7 “В” сыныбы – көркемдік сапасы мен мазмұн тереңдігі үшін
🥇 8 “F” сыныбы – идеяның жаңашылдығы мен монтаж шеберлігі үшін

Бұл сыныптардың роликтері көпшілік көңілінен шығып, ең жоғары дауыс жинады.