🌱Біздің мектеп оқушылары — XCEL халықаралық олимпиадасының жүлдегерлері

2025 жылдың 1–4 маусымы аралығында АҚШ-тың Лос-Анджелес қаласында беделді XCEL халықаралық математика олимпиадасының финалдық кезеңі өтті. Бұл жарыста біздің оқушылар жоғары нәтижелер көрсетіп, Қазақстан Республикасының намысын абыроймен қорғады.

Нәтижелер:

• Батырхан Тлеулес — жүлделі екінші орын, күміс медаль;

• Әсел Асқар және Альмактум Асқар — қола медальдар.

Финал Калифорния университеті (UCLA) базасында өтіп, оған әлемнің көптеген елдерінен дарынды оқушылар қатысты.

Оқушыларды жарысқа сапалы дайындаған математика пәнінің мұғалімдеріне — Ахмедиева Гүлнұр Бекенқызы мен Тұқтыбаева Арайлым Ерғазықызына шексіз алғысымызды білдіреміз. Оқушыларымызға шабыт, ұстаздарымызға шығармашылық табыс пен жаңа биік белестер тілейміз!