2025 жылғы 21 маусымда Сингапур қаласында өткен StemCo Global Round Mathematics халықаралық математикалық олимпиадасында мектебіміздің 8-сынып оқушысы Серік Жансенім күміс медаль иеленді.

Аталған зияткерлік додада әлемнің түкпір-түкпірінен келген жас математиктер бақ сынады. Жансенім өзінің терең білімін, логикалық ойлау қабілетін және жоғары математикалық сауаттылығын сәтті дәлелдеді.

Бұл жетістік – оқушының табандылығы мен жетекшісі, математика пәнінің мұғалімі Тұқтыбаева Арайлым Ерғазықызының кәсіби шеберлігінің нәтижесі.

Мектебіміз Серік Жансенімнің жеңісін мақтан тұтады және оған алдағы уақытта жаңа биіктерді бағындыруды тілейді.