Қазақстан Республикасының Президенті Қасым-Жомарт Тоқаев AI SANA Generative Nation байқауының жеңімпаздарын марапаттады.

🌐 Digital Bridge 2025 халықаралық технологиялық форумы аясында өткен AI SANA Generative Nation байқауында Тараз қаласындағы Назарбаев Зияткерлік мектебінің оқушысы Мәди Тәжіхан, сондай-ақ мектеп түлектері Бекбулат Жангерей, Дәулети Әділет, Айдархан Әмірхан жүлдегер атанды.

Байқау қорытындысы бойынша біздің оқушылардың «Úmit» және «Beelieve» жобалары үздік деп танылды.

🏆 Best School AI Project – Úmit , интерактивті құрылғы — жоғарғы қол функциялары бұзылған адамдарға арналған инновациялық шешім. Құрылғы бас пен тіл қимылдарының көмегімен цифрлық құрылғылар мен мүгедектер арбасын басқаруға мүмкіндік береді.

🏆 Best Student AI Project – Beelieve, ара шаруашылығын дамытуға арналған ақылды жүйе. Бұл жоба аралардың жойылып кетуінің алдын алып, ауыл шаруашылығы өнімдерінің өнімділігін арттыруға бағытталған.

🌟 Біздің оқушылар мен түлектер – мектептің ғана емес, еліміздің де мақтанышы!

Олардың жаңашыл ойы, тың идеялары мен қоғам игілігі жолындағы еңбектері – өскелең ұрпаққа үлгі боларлық жетістік!