Тараз қаласы Назарбаев Зияткерлік мектебінде мектеп, оқушы және ата-ана арасындағы ынтымақтастықты нығайту мақсатында ерекше форматтағы жиналыс ұйымдастырылды. Шара барысында ата-аналар бала өміріндегі өзекті мәселелерге қатысты жағдайлық кейстерді талқылады.

Жиналыстың негізгі тақырыптары:

Академиялық адалдық және ішкі тәртіп ережелері;

Санитарлық-гигиеналық нормаларды сақтау;

Бала мен ата-ана арасындағы психологиялық байланысты жақсарту.

Мектептің сарапшылар тобы (мұғалімдер, дәрігерлер, психологтар және қауіпсіздік қызметі) ата-аналарға кәсіби кеңес беріп, кері байланыс орнатты. Қорытындылай келе, ата-аналар мектептің даму стратегиясын бірлесе құруға дайын екендіктерін жеткізді.