Ашық есік апталығының үшінші күні «Отбасы — мәдениеттер әлемінде» жобасы аясында «Мейірімді отбасы — қауіпсіз мектептің негізі» атты ата-аналармен таңертеңгілік (кофетайм) кездесуімен басталды.

Шараның басты мақсаты — мектеп қабырғасындағы қауіпсіздікті қамтамасыз етудегі отбасының рөлін нығайту. Кездесу барысында ата-аналар арасында танымдық ойындар мен психологиялық жаттығулар өткізілді;

Халықаралық KiVa бағдарламасы таныстырылып, оның мектептегі буллингтің алдын алудағы маңыздылығы түсіндірілді;

Балаға эмоционалды қолдау көрсету бойынша практикалық кеңестер берілді.

Мейірім мен сенім ұялаған отбасы — баланың мектептегі қауіпсіздігі мен жарқын болашағының кепілі.