🌱NIS Тараз оқушысы халықаралық байқауда күміс жүлде иеленді

Тараз қаласындағы Назарбаев Зияткерлік мектебінің 12 «Н» сынып оқушысы Сырым Уали Халықаралық астрономия және астрофизика байқауында (IAAC) айтарлықтай жетістікке жетті. Ол әлемнің түкпір-түкпірінен жиналған 12 300-ден астам қатысушының арасынан суырылып шығып, күміс жүлдегер атанды.

International Astronomy and Astrophysics Competition — бұл жас таланттарға ғарыш әлемі мен физика заңдылықтарын терең меңгеруге мүмкіндік беретін әлемдік деңгейдегі беделді ғылыми дода.

Сырымның бұл жеңісі — қажырлы еңбек пен ғылымға деген құштарлықтың жемісі. Оқушының ғылыми жетекшісі — физика пәнінің мұғалімі Ерболат Қасқарбаев.

Сырымды және оның жетекшісін осынау биік белесті бағындыруымен шын жүректен құттықтаймыз!