Мектебіміздің 12 «G» сынып оқушысы Алия Жаркынова әйелдер көшбасшылығы, білім және инновация тақырыптарына арналған ауқымды форум — ASTANA WOMEN SUMMIT аясында өткен стартап-жобалар байқауының финалистерінің бірі атанды.

Байқауға 400-ге жуық жоба қатысып, іріктеу қорытындысы бойынша Алия EcoGlue жобасымен Kazakh-British Technical University университетінің білім грантын жеңіп алды.

EcoGlue — пенопласт қалдықтарынан құрылыс желімін өндіруге бағытталған экологиялық жоба. Бұл бастама қоршаған ортаны қорғауға және қайта өңдеудің тұрақты технологияларын дамытуға үлес қосуды көздейді. ♻️

ASTANA WOMEN SUMMIT еліміздің түкпір-түкпірінен келген көшбасшыларды, сарапшыларды және жас кәсіпкерлерді біріктіріп, жаңа идеялар мен перспективалы бастамаларды қолдауға арналған маңызды алаңға айналды.

👏 Алияны осы үлкен жетістігімен құттықтаймыз! Алдағы уақытта жаңа белестер мен толағай табыстар тілейміз! ✨