Мектебімізде білім жолындағы еңбек пен жетістіктерді бағалау, NIS құндылықтарын дәріптеу және жас ұрпақты азаматтық жауапкершілікке баулу мақсатында мектеп бітіруші түлектерге арналған салтанатты іс-шара өтті.

Биылғы оқу жылында мектеп қабырғасынан 108 түлек үлкен өмірге жолдама алуда. Олардың ішінде 1 «Алтын белгі» иегері бар. Түлектеріміз халықаралық емтихандарда жоғары академиялық әлеуетін дәлелдеп, IELTS-тан 8.0-ден жоғары, SAT-тан 1500-ден жоғары және NUET емтиханынан үздік нәтижелер көрсетті. Осы жетістіктердің арқасында олар Назарбаев Университетіне, сондай-ақ отандық және шетелдік алдыңғы қатарлы жоғары оқу орындарына шақырту алды.

🥇 «Алтын белгі» иегеріне үздік аттестатын Тараз қаласы «Жібек жолы» ауданының әкімі Қарлығаш Аралбекова табыс етті.

«Үздік аттестат» иегерлеріне құжаттарын М.Х. Дулати атындағы Тараз өңірлік университетінің Басқарма мүшесі — академиялық мәселелер жөніндегі проректоры Рысгүл Құдретуллаева салтанатты түрде тапсырды.

Мектеп ұжымы атынан барлық түлектерімізге ақ жол тілейміз! Ел игілігіне қызмет ететін, өмір бойы білім алуға ұмтылатын білікті тұлға болуларыңызға тілектеспіз!