Тараз қаласындағы Назарбаев Зияткерлік мектебінің оқушысы, халықаралық олимпиадалардың жүлдегері Дінмұхаммед Ынтықбай «Назарбаев Зияткерлік мектептері» дербес білім беру ұйымының Басқарма Төрағасы Әнуар Қанатұлы Жанғозинмен кездесті.

🌱 Кездесу барысында Басқарма Төрағасы жас зияткерді халықаралық олимпиадалардағы жоғары нәтижесімен құттықтады. Ел намысын халықаралық деңгейде абыроймен қорғап жүрген Дінмұхаммедке алдағы оқуында және жаңа білім додаларында толағай табыстар тіледі.

🌱 Білімге деген құштарлық, табандылық пен үздіксіз ізденіс – үлкен жетістіктердің бастауы. Дінмұхаммедтің бұл кездесуі оның зияткерлік биіктерге ұмтылысын одан әрі нығайтып, жаңа мақсаттарға жігер берген тағылымды сәт болды.

🌱 Жас зияткердің әрбір жетістігі – Тараз қаласы Назарбаев Зияткерлік мектебінің ғана емес, бүкіл еліміздің абыройын асқақтататын жарқын жеңіс! 🇰🇿