Тараздағы Назарбаев Зияткерлік мектебінің физика пәні мұғалімі Мирлан Джусамбаев Орталық Азиядағы TikTok өкілдігі білім саласында контент жасаушылар арасында ұйымдастырған байқаудың басты номинациясына ие болды.

Салтанатты шара түрлі салада жетістікке жеткен тұлғалардың құнды ойлары мен ойлы баяндамаларына толы болды. Сонымен бірге жылдың ең жарқын креаторлары марапатталды.

Қазір TikTok желісінде білім беру контентін ұсыну Қазақстанда белсенді дамып келеді. Ал бұл марапатты тәжірибелі педагог өз материалдарының жоғары сапасы мен физиканы тереңдетіп оқытудың әртүрлі әдістерін қолжетімді әрі қызықты етіп таратқаны үшін алып отыр. Оның TikTok (physicsphenom) парақшасындағы материалдар жасөспірімдер мен мұғалімдер арасында физиканы насихаттаудың жарқын үлгісі деуге де болады.

Мирлан Төлегенұлы өз тәжірибесімен бөлісіп, материалдарының оқырмандарына пайдалы болғанына қуанатынын жеткізді.