NIS Түркістан қаласында қазақстандық ағартушы, шығыстанушы, жазушы, «Отбасы хрестоматиясы» жобасының авторы Санжар Керімбай қатысуымен мазмұнды кездесу өтті.

Кездесу барысында спикер оқушылар, ата-аналар және ұстаздармен ашық диалог құрып, қазіргі қоғамдағы білімнің маңызы, тұлғалық қалыптасу, ұлттық құндылықтар мен рухани тәрбие тақырыптарын кеңінен қозғады. Ол өз тәжірибесімен бөлісіп, жастарға бағыт-бағдар беретін маңызды ойлар айтты.

Санжар Керімбай білімнің тек академиялық жетістік емес, адамның дүниетанымын қалыптастыратын негізгі құрал екенін атап өтіп, жастарды саналы таңдау жасауға, терең ойлауға және өз жолын жауапкершілікпен құруға шақырды.

Кездесу барысында ата-аналар мен қонақтар өздерін толғандырған сұрақтарын қойып, спикермен еркін пікір алмасты. Бұл формат әртүрлі көзқарастарды талқылауға, тәрбие мен білім беру үдерісіндегі өзекті мәселелерді ашық қарастыруға мүмкіндік берді.

Осындай кездесулер мектеп, ата-ана және қоғам арасындағы байланысты нығайтып, оқушылардың тек білімді ғана емес, ойлы әрі жауапты тұлға болып қалыптасуына ықпал етеді.