Түркия Республикасының Бас консулы Мұзаффер Ақйылдырым келді

18- мамыр күні Ақтау қаласындағы химия-биология бағытындағы Назарбаев Зияткерлік мектебіне арнайы Ақтау қаласындағы Түркия Республикасының Бас консулы Мұзаффер Ақйылдырым келді. Түркия Республикасының Бас консулы Мұзаффер Ақйылдырым, мектебімізге келудегі басты мақсаты Қазақстан мен Түркия елдері арасындағы екі жақты қарым-қатынасты дамытуға негізделді. Бас консул Мұзаффер Ақйылдырымды мектебіміздің “Қос перне” домбыра үйірмесінің өнерпаздары Құрманғазының “Балбырауын” күйімен қарсы алды. Әрі қарай кездесу барысында Бас консул мектеп туралы мағлұматтарды оқушылардың өз аузынан естіп, мектебіміздің тыныс-тіршілігімен танысты. Түрік консулына мектептегі химия, биология, тарих, қазақ-тілі секілді арнайы пәндік сыныптар, асхана, жатақхана, спорт зал да таныстырылды . Сонымен қатар мектептегі FUB LAB- яғни робототехника сыныбы да назардан тыс қалмады. Осы бағытта Мұзаффер мырза, алда бірлесіп шаралар жасауға ұсыныс айтты. Музаффер мырза болашақта зияткерлік мектептің оқушыларымен, түрік балалары тығыз байланыста болғанын, бір-бірімен тәжірибе алмасу болғанын, қалайтынын жеткізді. Сонымен қатар талантты оқушыларымыздың салған суреттерімен, қолөнер туындыларын тамашалап таңдай қақты. Бас консул оқушыларға өзіндік кеңестерін беріп, сәттілік тіледі. Мұзаффер Ақйылдырым, өзінің достық лебізін білдіріп, мектеп кітапханасына түрік жазушысы Илхан Акситтің “The Grandeur and Sultans of the Ottoman Empire”(“Осман империясының Ұлылығы мен Сұлтандары”) атты кітабын сыйға тартты. Кездесу қазақтың киіз үйінде жайылған ақ дастархан басында аяқталып, Түркия Республикасының Бас консулы Мұзаффер Ақйылдырым оқушылармен, ұстаздарға өзінің жылы лебізін білдіріп, рақмет айтып, қоштасты. Бұл достық байланысымыз алдағы уақытта да нығайып, дами беретініне сеніміміз мол.