NIS-тің химия пәні мұғалімі Шолпан АБИШЕВА «Орта білім беру ісінің үздігі» атанды

NIS педагогтері кәсіби мереке – Ұстаздар күні қарсаңында Құрмет грамоталарымен және алғысхаттармен марапатталды.

Үш ұстаз биылдан бастап Оқу-ағарту министрлігі бекіткен «Орта білім беру ісінің үздігі» құрмет дипломын алды. Олардың ішінде Алматыдағы химия-биология бағытындағы NIS-тің химия пәнінен педагог-модераторы Шолпан Әбішева бар.

Шолпан Әбішева – “Үздік педагог-2022” ұлттық аттағының иегері, Pro.NRG 2023 халықаралық байқауының ұлттық кезеңінің жеңімпазы, «Science on stage Europe – 2024» фестивалінің делегаты. Сондай-ақ Шолпан Шәріпбайқызы ХХІХ халықаралық ТУЙМААДА олимпиадасының алтын медаль иегері Еңлік Бақытбекованың жетекші-жаттықтырушысы.