CIS САРАПШЫЛАРЫНЫҢ АЛДЫН АЛА САПАРЫ

2024 жылғы 8-11 қазан аралығында Алматы қаласының физика-математика бағытындағы Назарбаев Зияткерлік мектебіне CIS халықаралық аккредиттеуден өту шеңберінде CIS (Халықаралық Мектептер Кеңесі) сарапшылары келді. Бұл халықаралық аккредиттеуден өтудің екінші кезеңінің сарапшыларының алдын ала сапары.

Wendy Parry және David Henry  сынды сарапшылар төрт күн ішінде мектептің қызметімен, оның дамуымен және халықаралық стандарттарға сәйкестігімен толығырақ танысты. Сабақтарды бақылап, мектеп қоғамдастығының мүшелерімен, сондай-ақ 7 стандарт бойынша жұмыс топтарының фокус-топтарымен әңгімелесті: «Басшылық ережелер», «Оқыту және оқу», «Басқару және көшбасшылық», «Оқытушылар құрамы және көмекші персонал», «Оқу мен оқытуға қол жеткізу», «Мектеп мәдениеті және серіктестік оқыту» және «Операциялық жүйелер». Сабақтың барысын, оқушылардың білім деңгейін және оқытушылардың кәсібилігін бағалай отырып, сарапшылар мектептің Халықаралық Мектептер кеңесін аккредиттеуге дайындығына риза болды. Кездесу соңында қонақтар мектептің бір жылдағы жұмыс нәтижелерін жоғары бағалады және одан әрі жетілдіру бойынша кейбір ұсыныстар берді.

Сапар қорытындысы бойынша мектеп «Аккредиттеуге үміткер» мәртебесін алды және өзін-өзі бағалау бойынша жұмысты бастайды.