Даниярова Айжан, Рахмет Мерей, Өскенбаева Даяна және Мұратбек Диас "Future Vision" - да екінші орынды иеленді!

Астана қаласы Назарбаев Зияткерлік мектебінің 11 сынып оқушылары Даниярова Айжан, Рахмет Мерей, Өскенбаева Даяна және Мұратбек Диас "Future Vision"халықаралық кәсіпкерлік байқауында екінші орын алды! 29 мамырда Алматыда "Future vision"халықаралық кәсіпкерлік байқауының финалы өтті. Байқау шамамен алты айға созылды және "Qosa" командасы сәтті өткен бірнеше кезеңнен тұрды! 9 елден 220 команда қатысты. Финалда команданы Даниярова Айжан мен Рахмет Мерей таныстырды. Басқа 14 командамен жарыса отырып, оқушылар екінші орынға ие болып, жобаны дамытуға 500.000 теңге ұтып алды.