«СӘТТІ БАСТАМА» - ЖАС ҰСТАЗДАР БАЙҚАУЫ

5 сәуір күні Астана қаласындағы физика-математика бағытындағы Назарбаев Зияткерлік мектебінде жас мұғалімдердің белсенділігін дамытуға және қолдауға бағытталған «Сәтті бастама» кәсіби байқауының финалы өтті. Сайысқа педагогикалық қызметін енді бастаған 10 жас мұғалім қатысты. Олар: қазақ тілі және әдебиеті пәні мұғалімі Аклепесова Жадра Дарябаевна, орыс тілі мен әдебиеті пәні мұғалімі Булатова Диана Муратовна, ағылшын тілі мұғалімдері Арап Аяжан Абайқызы мен Сайранова Алия Муратовна, математика пәні мұғалімі Бектемиров Ануарбек Бектурсунович, биология пәні мұғалімдері Жолбарыс Айман Айтбаевна, Қалабаев Әлібек Мұратханұлы, география пәні мұғалімі Жетписбаева Асель Ерболовна, информатика пәні мұғалімдері Сәйкен Әлһакім Жасқайратұлы, Смет Нұрболсын Жанділләұлы. Байқау 2 кезең бойынша өтті. Бірінші кезеңде мектепке жаңадан келген мұғалімдер ашық сабақтар топтамасын беріп, тәжірибелерімен бөлісті, заманауи білім берудің өзекті мәселелері туралы бейнероликтер түсірді. Конкурс финалында сайыскерлер әріптестері мен қазылар алқасының алдында TEDx форматында педагогикалық көзқарастарын ортаға салды. Байқаудың қызықты және эмоционалды өткен ақтық бөлімі финалистерден өзіне деген сенімді, сөйлеу шеберлігін, кәсібилікті талап етті. Байқау қорытындысы бойынша мектепішілік жас мұғалімдер байқауының жеңімпазы болып ағылшын тілі пәнінің мұғалімі Арап Аяжан Абайқызы танылды. Тұғырлы екінші орыннан биология пәнінің мұғалімі Қалабаев Әлібек Мұратханұлы мен ағылшын тілі мұғалімі Сайранова Алия Муратовна көрінді. Ал, үшінші орынға биология пәні мұғалімі Жолбарыс Айман Айтпаевна мен қазақ тілі және әдебиеті пәні мұғалімі Аклепесова Жадра Дарябаевна лайықты деп танылды.