III ЖЫЛ САЙЫНҒЫ ЖАҺАНДЫҚ ПЕРСПЕКТИВАЛАР МЕН ЖОБАЛЫҚ ЖҰМЫС ЖӘНЕ ЭКОНОМИКА БОЙЫНША КОНФЕРЕНЦИЯ

Астана қаласындағы физика-математика бағытындағы Назарбаев Зияткерлік мектебінде жаһандық перспективалар мен жобалық жұмыс және экономика бойынша III жыл сайынғы конференция өтті. Іс-шарада экология, климат, білім, денсаулық және гендерлік теңдік сияқты көптеген тақырыптар қозғалды. Биыл аталған байқауға Астана, Ақтөбе, Алматы, Павлодар, Шымкент, Көкшетау, Тараз, Қарағанды, Атырау және Ганноверден 50-ден астам оқушы қатысты. Бұл байқау білім алмасуға ықпал етіп қана қоймай, жастарды тұрақты болашақ құру бағытында белсенді әрекет етуге шабыттандыратын керемет оқиға. Мұндай конференциялар жастардың зияткерлік және шығармашылық әлеуетін дамытуға, көшбасшылық қасиеттерін қалыптастыруға және жаһандық проблемаларды шешуге ықпал етеді. Шараның міндеттеріне ғылыми-зерттеу жұмыстарымен айналысатын дарынды ұл-қыздарды анықтау, оларға қолдау көрсету, оқушылардың оқу, ғылыми-зерттеу және жобалау қызметіндегі үздік жетістіктерін көрсетіп, насихаттау, сондай-ақ қоғамдағы зияткерлік және шығармашылық әлеуеттің даму проблемаларына қоғамның назарын аудару кіреді. Байқауға Астана қаласының Tamos Space School, Harmony STEAM, Haileybury Astana, Quantum School сияқты халықаралық мектептерінің мұғалімдері, НЗМ ДББҰ-ның менеджерлері және Назарбаев университетінің магистрлері мен докторанттары әділ қазылық етті. Конкурсты жаһандық перспективалар және жобалық жұмыс мұғалімдері Ү. Адекенова, А. А. Ақшалова, А. Бахтиярова, Г. Е. Әбешова, Р. О. Жұматаева, А. Б. Жакупова, М. М. Макенова, А. А. Нұрғалиева, А. М. Тілеубай, Ж.Аташева, Ж. С.Тұрғаналина ұйымдастырды.