ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДА ЖЕҢІМПАЗДАРЫН ҚҰТТЫҚТАЙМЫЗ

Мектеп ұжымы мен оқушылары республикалық олимпиададан табысты оралған өз жеңімпаздарын қарсы алды. Астана қаласындағы физика-математика бағытындағы Назарбаев Зияткерлік мектебінің оқушылары: Арғын Сейтқамит (физика), Азатбеков Амирбек (физика), Кирилл Ким (химия), Қабдулхадыр Абылай (химия) және Жанатұлы Мағжан (Қазақстан тарихы) 9-11сынып оқушылары арасында жаратылыстану-математика және қоғамдық-гуманитарлық бағыттағы пәндерден өткен республикалық олимпиаданың қорытынды кезеңінің жеңімпазы атанып, алтын алқа иеленді. Беделді білім бәйгесінде Дамир Құрман (физика), Айғаным Балташева (биология), Данира Мусина (биология) пәндерінен олимпиада жүлдегері болып танылып, күміс медаль алды. Жалпы білім беретін пәндер бойынша республикалық пән олимпиадасында жеңіс тұғырынан көрінген оқушыларды жетістіктерімен құттықтаймыз! Айта кету керек, жалпы білім беретін пәндер бойынша республикалық олимпиаданың қорытындысы бойынша «Назарбаев Зияткерлік мектептері» дербес білім беру ұйымының құрамасы «Үздік олимпиадалық команда – 2024» атанып, Гран-приге ие болды. Республикалық олимпиада наурыз-сәуір айлары аралығында өтті, онда бүкіл ел бойынша NIS оқушылары әртүрлі үлгідегі 89 медаль жеңіп алды.