🌱"Қарттарын қадірлеген ел ардақты" атты мерекелік шара өтті

Астанадағы физика-математика бағытындағы NIS-те “Ұрпақтар сабақтастығы” жобасы аясында “Қарттарын қадірлеген ел ардақты” атты мерекелік шара өтті.

Айтулы дата қарсаңында ұйымдастырылған шараға мектеп ата-аналары атап айтқанда, оқушылардың ата-әжелері арнайы қонақ ретінде қатысып, әсерлі кештің куәсі болды.

Мерекелік концерт ең алдымен домбыраның құлағында ойнаған зияткер өнерпаздардың орындауындағы күмбірлеген күймен басталып, әсем әнмен жалғасын тапты. Кеш бағдарламасында сондай-ақ мектеп кураторлары да ән шырқап, ата-аналарға ерекше көңіл-күй сыйлады.

Шара соңында мектеп директорының тәрбие ісі жөніндегі орынбасары Ардак Нурышева сөз сөйлеп, мейрам иелерін айтулы күнмен құттықтап, өз ыстық лебізін білдірді.

Сөз соңында, 8Н сынып оқушысы Ералиев Ерасылдың атасы Арапбаев Ералы Ергешұлы оқушыларға ақ батасын беріп, мерекелік кештің әсерлі нүктесін қойды.