🌱 МЕКТЕП КӨШБАСШЫСЫН САЙЛАУ: ҮМІТКЕРЛЕР АРАСЫНДАҒЫ ПІКІРСАЙЫС

Елордадағы физика-математика бағытындағы NIS-те мектеп Президенті лауазымына үміткер 4 зияткер арасында сайлауалды үгіт-насихат жұмыстары қызу жүріп жатыр. Зияткерлік мектепте оқушылар кеңесі – Student Council – мектептің дамуына ықпал ететін маңызды ұйым ретінде жұмыс істейді. Бұл ұйымға мүше болу оқушыларға өз қабілеттерін шыңдауға үлкен мүмкіндік береді.

Мектеп көшбасшысы лауазымына үміткерлер қатарында:

Арна Рахимбергенова, 11К,

Жаннұр Қали, 11В,

Айғаным Дәркен, 11D,

Алихан Марат, 10В сынып.

Әр үміткер мектептің Президенті болуға дайын екендіктерін дәлелдеу үшін өзара бәсекеге түсуде.

Сайлау науқаны барысында үміткерлер әлеуметтік желілерде белсенділік танытып, өз бағдарламаларымен бөлісті. Олар өзін-өзі басқару ұйымының жұмысын жақсартуға бағытталған нақты жоспарлар ұсынып, мектеп өмірін одан әрі қызықты әрі мазмұнды етуге жаңа бастамалар көтеріп жатыр. Әрқайсысы өз бағдарламаларын ерекше етіп көрсетіп, осы қызметті ең жақсы деңгейде атқара алатынын дәлелдеуге тырысуда.

Үміткерлер өз кандидатураларының не үшін лайықты екенін түсіндіріп, мектепке көшбасшылық жасауға дайын екендіктерін көрсету мақсатында пікірсайыстарда белсенділік танытты.

15 қазан – мектептің өзін-өзі басқару ұйымының көшбасшысы анықталатын маңызды күндердің бірі. Үміткерлердің жаңалықтарын жібермей қадағалап, дұрыс таңдау жасауға шақырамыз.