🌱ӨЗІН-ӨЗІ БАСҚАРУ ҰЙЫМЫНЫҢ ЖАҢА КӨШБАСШЫСЫН ҰЛЫҚТАУ РӘСІМІ ӨТТІ

Бүгін Зияткерлік оқу ордамыздың оқушылардың өзін-өзі басқару ұйымы жаңа Президентін ұлықтау рәсімі өтті. Айта кетейік, бұған дейін мектеп көшбасшысы болған Жалғас Өзбехан жалпы есеп комиссиясы дауыс беруге 7-11 сынып оқушылары, мектеп ұжымы мен мұғалімдерінен 1122 сайлаушы қатысқаны, санау қорытындысы бойынша ең көп дауысты 11К сынып оқушысы Арна Рахимбергенова жинағанын хабарлады.

Жаңадан сайланған президент Арна Рахимбергенова ұлықтау рәсімінде мектеп өмірінің дамуына ықпал етуге және мектеп қоғамдастығына адал қызмет етуге ант берді.

Сондай-ақ, мектеп директорының тәрбие ісі жөніндегі орынбасары Ардақ Нұрышева мен директордың сыртқы байланыс жөніндегі орынбасары Жулдыз Турганалина жаңа көшбасшыға алдағы қызметінде толағай табыс тілеп, өз сенімдерін білдірді.

Мектеп көшбасшысы болу — тек құрметті атақ қана емес, сонымен қатар оқушыларды шабыттандырып, біріктіруге және мектеп өміріне нақты өзгерістер енгізуге берілген бірегей мүмкіндік. Оқу процесіне ықпал ету, жаңа бастамаларды ілгерілету және мектеп қауымдастығының мүддесін қорғау — бұл мектеп тарихында өз ізін қалдырып, оны барлық оқушылар үшін жақсарту мүмкіндігі.