🌱«Жас ұрпақтың жылы лебізі: ардагерлермен тағылымды сәт»

Зияткерлік оқу ордасының 9 «F» сынып оқушылары 16 қазанда Малотимофеевка ауылындағы арнайы әлеуметтік қызмет көрсету орталығына барып, ардагерлермен кездесіп қайтты. Зияткерлер қарияларға арналған қызықты сайыстар ұйымдастырып, жеңімпаздарды кітаптармен және тәтті сыйлықтармен марапаттады. Сонымен қатар, жас өрендер орталыққа арнайы сыйлықтар, оның ішінде жемістер, тәттілер мен шахмат тақталарын алып келді.

Бұл кездесу оқушыларға адамгершілік құндылықтарды дәріптеп, аға буынмен жылы қарым-қатынас орнатудың маңызды екенін еске салды. Мектеп ұжымы мен ата-аналар комитетінің қолдауымен өткізілген бұл шара жас зияткерлердің жүрегінде мейірімділік пен жанашырлық ұялатты.