АСТАНА ҚАЛАСЫНДАҒЫ ФИЗИКА-МАТЕМАТИКА БАҒЫТЫНДАҒЫ НАЗАРБАЕВ ЗИЯТКЕРЛІК МЕКТЕБІНДЕ «ЕРІКТІЛЕР ФОРУМЫ» ӨТТІ.

21 ақпан күні Астана қаласындағы физика-математика бағытындағы Назарбаев Зияткерлік мектебінде «Еріктілер форумы» өтті. UNICEF, Astana Jastary, Jasulan, Ұлттық еріктілер желісінің және т. б. ұйымдардың белсенді еріктілері кеш спикерлері ретінде сахна төрінде сөз сөйлеп, өздерінің ойлары мен ұсыныстарын білдірді. Форумда волонтерлік қызметтің түрлі бағыттарына басты назар аударылды. Сондай-ақ жиында әлеуметтік белсенділік мәселелері және оның келесі тармақтар бойынша бере алатын тәжірибесі талқыланды: * Қабылдау жағдайлары * Шетелдік тағылымдамалар * Еріктіліктің әртүрлі бағыттары * Волонтерлық жұмыстың ең қызықты бөліктері және аталған қызметтің маңыздылығы. Іс-шара барысында біздің оқушылар елордамыздың өзге мектептерінен келген қатысушылармен танысып, тәжірибе және идеялармен алмасып жағымды эмоциялар алды.