⚡Astana Regional FIRST Championship: Зияткерлер жетістігі

Мектебіміздің жас робототехниктерінен құралған «xCellence» командасы Astana Regional FIRST Championship сайысына қатысып, «Think Award Winner» номинациясын иеленді. Еліміздің түкпір-түкрінен жиналатын сайыс үш жас дәрежесінде: FLL EXPLORE, FLL CHALLENGE және FIRST TECH CHALLENGE өтті.

Айта кетейік, аталған сайыс «Дарын» Республикалық ғылыми-практикалық орталығы «USTEM Foundation» қоғамдық қорымен бірлесіп, First халықаралық байқауының ұлттық кезеңін елімізде STEM білім беруді дамытудың жол картасы шеңберінде өткізілді. Конкурстың негізгі мақсаты - STEM дағдылар мен цифрлық технологияларды дәріптеу, оқушылардың ғылыми-техникалық қызметке деген қызығушылығы мен шығармашылық қабілеттерін арттыру.

Жас робототехниктерімізге ғылым мен білім жолындағы зерттеулерінде жаңашыл жобалар мен жоғары нәтижелерге жете беруіне тілектеспіз!