«АЛМАС ҚАНЖАР» МӘНЕРЛЕП ОҚУ БАЙҚАУЫ ӨТТІ

Астана қаласындағы физика математика бағытындағы Назарбаев Зияткерлік мектебінің оқушылары «Ұлы дала ақындары» жобасы аясында Қазақстанның халық жазушысы, мемлекет және қоғам қайраткері Әбіш Кекілбаевтың өмірі мен шығармашылығын тереңдетіп зерттеуін жалғастыруда. Соған бір дәлел, білім ошағымызда өткен «Алмас қанжар» атты жас зияткерлер арасындағы мәнерлеп оқу байқауы. Аталған сайыста қатысушының өлең шумақтарын мүдірмей жатқа айтуы, мәтіннің мазмұндық құрылымын терең сезіне мәнерлеп оқуы бағаланады. Белгілі қаламгердің қаламынан туған туындыларды әсерлі жеткізуді мақсат еткен байқау қатысушылары көрермендердің құлақ құрышын бір қандырды. Айта кетсек байқау нәтижесі бойынша І орынды 9С сынып оқушысы Әсімхан Нұршапағат, ІІ орынды 7Н сынып оқушысы Садыкова Адия және 8С сынып оқушысы Ермекқызы Іңкәр иеленсе, ал ІІІ орыннан 9В сынып оқушысы Балтабек Гүлнәзік пен 9Е сынып оқушысы Абдильданова Аружан көрінді. Мәнерлеп оқу жарысының өзге же қатысушылары құр қол кетпеді, оларға алғыс хаттар табыс етілді.