Біздің мектептегі жобалық қызмет

Біздің мектеп оқушылар арасында жобалық қызметті дамытуға ерекше көңіл бөледі. Конкурстар мен конференцияларға қатысу балаларға зерттеу дағдыларын, сыни ойлау мен шығармашылықты дамытуға көмектеседі деп сенеміз. Төменде біздің мектептегі жобалық қызметтің негізгі бағыттары келтірілген. «Жас Зерттеуші» байқауы Әр ақпан айында 7-сынып оқушылары үшін «Жас Зерттеуші» байқауы өткізіледі. Бұл байқау жас зерттеушілерге өздерінің ғылыми жобаларын ұсынуға және әртүрлі салалардағы білімдерін көрсетуге мүмкіндік береді. Оқушылар II тоқсанның басында өздерін қызықтыратын тақырыпты таңдап, оқытушылардың жетекшілігімен өз бетінше зерттеу жүргізе алады. Жобаларды қорғау ақпан айында өтеді, аталған байқауды бағалау үшін қазылар алқасының құрамына балалардың ата-аналары мен мектептің оқытушылары шақырылады. Аймақтық Science Fair конференциясы 5-8 және 9-12 сынып оқушылары үшін жыл сайын Аймақтық Science Fair конференциясы ұйымдастырылады. Бұл маңызды іс-шара жоғары сынып оқушыларына өздерінің ғылыми әзірлемелерін ұсынуға және пікірлес адамдармен тәжірибе алмасуға мүмкіндік береді. Конференция ғылыми пәндердің кең спектрін қамтиды және ғылыми қызметке деген қызығушылықтың дамуына ықпал етеді. Бұл байқау сәуір айында өткізіледі, қазылар алқасына ғалымдар мен оқытушылар шақырылады. Жобаларды қорғағаннан кейін конференцияға қатысушылар өздерін қызықтыратын танымдық сессияларды таңдап, қатыса алады. Бұл сессияларда ғылымның әртүрлі салалары мен оқушыларды қызықтыратын салалардағы жетекші сарапшылар сөз сөйлейді. Стартап жобалар Біздің оқушыларымыздың стартап жобаларды құруға қатысу мүмкіндігі де бар. Бұл бағыт кәсіпкерлік дағдыларды, инновациялық ойлауды және командалық жұмысты дамытуға бағытталған. Оқушылар нақты өмірде жүзеге асырылуы мүмкін өз жобаларын әзірлейді. Біздің оқушылар оқыту бағдарламаларына белсенді қатысады және түрлі конкурстарда ақшалай гранттар номинацияларын алады. Мысалы: UNESCO-дан «TURAQTY ZHOL», Sumsung-тан «Solve for tomorrow», Astana HUB-тан Digital Bridge және т. б. Республикалық ғылыми жобаларды қорғаудың байқаулары Біздің оқушылар «Дарын» РҒПО ұйымдастыратын республикалық ғылыми жобаларды қорғау конкурстарына белсенді қатысады. Бұл байқаулар өз зерттеулерін жоғары деңгейде ұсынуға және республикалық деңгейде танылуға мүмкіндік береді. Аталған байқауларға қатысу оқушылардың ғылыми әлеуетін дамытуға және академиялық үлгерімін арттыруға ықпал етеді, бұл біздің оқушыларымызға жоғары нәтижелер көрсетуге мүмкіндік береді. Біз оқушыларымызды мақтан тұтамыз және олардың ғылыми-зерттеу жобаларында табысты дамуы үшін барлық жағдай жасауға ұмтыламыз.