Депутатпен кездесу.

Депутатпен кездесу.

2024 жылғы 12 қаңтарда Назарбаев Зияткерлік мектебінде "AMANAT" партиясының партиялық тізімі бойынша жетінші және сегізінші шақырылымдағы Қазақстан Республикасы Парламенті Мәжілісінің депутаты, Президенттік Жастар кадрлық резервінің финалисті Адамбеков Тілектес Серікбайұлымен кездесу өтті.

Мектеп қонағы өзінің балалық және жастық шағы, "Болашақ" халықаралық бағдарламасы бойынша Тунцзи университетіндегі оқуы, мемлекеттік саясат жоғары мектебі, Nazarbayev University және экономикалық саладағы қызықты тәжірибесі туралы бөлісіп айтып берді.

Сондай-ақ, оқушылармен әңгімелесу барысында қонақ біздің қоғамға тән қасиет және игілік болып табылатын отбасылық құндылықтарды сақтаудың маңыздылығы, үлкендерге, мұғалімдер мен мектепке деген құрмет, өз елінің болашағы үшін білім мен жауапкершілікке ұмтылу туралы сөз етті.

Кездесу соңында қатысушылар мазмұнды әңгіме үшін Тілектес Серікбайұлына алғыстарын білдірді.

-Бұл кездесу өте танымды болды. Адамбеков Тілектес – аса қызықты тұлға және спикер ретінде танылды. Ол түсінікті мысалдар келтірді, қарым-қатынастағы ашықтық пен өткір сыни пікірлері ұнады. Өзім үшін ойлануға тұрарлық сұрақтар мен шешімдер таптым, - деп атап өтті 10 сынып оқушысы Дулатова Даяна.