Каникулярлық мектеп қатысушыларына сертификаттар табысталды

Көкшетаудағы NIS-те жалпы білім беретін мектептердің оқушыларына арналған «Каникулярлық мектеп» жобасы өтті. Аталған шараның аясында 5-сынып оқушыларына түрлі форматтағы сабақтар өткізіліп, оқуға түсу бойынша кеңес берілді. Бұл курс үміткерлерді Зияткерлік мектептерге түсу бойынша қолдау үшін құрылған. Жобаның негізгі мақсаты – Қазақстан Республикасының орта білім беру ұйымдарының 5 және 6-сынып оқушыларын Зияткерлік мектептердің конкурстық іріктеуіне дайындау. «Виртуалды мектеп» тапсырмаларының нәтижесі бойынша жалпы балдың 50 пайызын жинаған білім алушылар қысқа мерзімді оқудан өту үшін курсқа шақырылады. Каникулярлық мектептің соңғы күнінде барлық қатысушылар сертификаттармен марапатталды.