NIS Қостанай оқушысы KAIST университетінің грантын жеңіп алды

Қостанай зияткерлік мектебінің 12D сынып оқушысы Ерболат Сембаев Кореядағы KAIST алғашқы және жетекші ғылыми-техникалық университететіне оқуға түскенін қуанышпен хабарлаймыз.

Сондай-ақ, ол Ерболат Сембаев KAIST-ке толық грант пен 350 000 корей вонында ай сайынғы стипендияны иеленді.

KAIST (кор. 한국과학기술원; Korea Advanced Institute of Science and Technology) Кореяның озық технологиялар институты — Теджонда орналасқан Оңтүстік Кореяның жетекші оқыту және зерттеу университеті болып табылады.

Корея үкіметі 1971 жылы алғашқы ұлттық ғылыми, зерттеу және техникалық институт ретінде құрған. 2019 жылы KAIST әлемнің жетекші университеттерінің рейтингінде (en:QS World University Rankings) 40-орынға ие болды.
KAIST озық ғылым мен технологияның, инновацияның және кәсіпкерліктің қақпасы болды. Ол QS World University Rankings-тің 2021 жылғы рейтингінде 39-шы орында.

Сонымен қатар, Computer Science and Information Systems бағдарламасы бойынша әлемде 29-шы орында. KAIST адамзаттың өркендеуіне қызмет етуге арналған инновацияларды үйретеді және зерттейді.

Айта кету керек, еліміздегі Назарбаев зияткерлік мектептерінің 31 түлегі осы оқу орында білім алуда.